• КЛУБ
  • Раҳбарият
  • Клуб тарихи
  • Стадион
  • Хомийлар
  • Манзилимиз
• ЖАМОА
  • Мураббийлар
  • Асосий таркиб
  • Ёшлар
• ЯНГИЛИКЛАР
  • Клуб хабарлари
  • ЎзПФЛ ва ЎФФ
  • Жахон футболи
  • Интервьюлар
  • Матбуот биз ҳақимизда
  • Мухлислар клуби
• ТУРНИРЛАР
  • Олий лига
  • Ўзбекистон кубоги
  • Ёшлар лигаси
• ИНТЕРАКТИВ
  • Онлайн трансляция
• МЕДИА
  • Фотогалерея
  • Видеогалерея

Янгиликлар

• Олий лига: “Нефтчи” – “Қизилқум” 2:0

• 26.10.2017 20:00 | КЛУБ ЯНГИЛИКЛАРИ
• 

• Олий лиганинг 26-турида жамоамиз Фарғонада “Нефтчи” меҳмони бўлиб, 0:2 ҳисобида имкониятни бой берди.

  Учрашувни мезбонлар ўта фаоллик билан бошлашди ва 7-дақиқага келиб ўйинда ҳисоб очилди. Ўнг бурчакдан тўп ўйинга киритилгач дарвозамиз олдида ҳимоячилар эътиборидан четда қолган Мўйдин Мамазулунов яқин масофадан ортиқча қийинчиликсиз Жабборов қўриқлаётган дарвозани аниқ нишонга олди.
  Бўлим  ўрталарига келиб ён чизиқдан “Нефтчи” футболчилари тўпни жарима майдончамизга ташлаб беришди. Рақиб футболчиси билан курашаётган бир паллада тўп марказий ҳимоячимиз Шукурали Пўлатовнинг қўлига келиб тегди. Натижада бош ҳакам Равшан Эрматов футболчимизни огоҳлантириб, дарвозамиз томон 11-метрлик жарима зарбаси белгилади. “Нуқта”га яқинлашган Шерзод Ҳакимовнинг зарбасидан кейин тўп дарвоза устунига тегиб қайтди. Аммо ёрдамчи ҳакамнинг ишораси билан пеналти қайта тепиладиган бўлди.   Жабборов пеналти тепилаётган пайтда тўп тепилмасидан ўз ўрнини тарк этганлиги боис бош ҳакам унга ҳам сариқ карточка кўрсатди. Такроран амалга оширилган пеналтини эса Жабборов қайтаришга муваффақ бўлди. Дарвозабондан қайтган тўпни Ҳакимов яна дарвозага йўналтирди. Бу сафар тўп дарвоза тўсинига тегиб, майдонни тарк этди. Бўлим якунланишига саноқли дақиқалар қолганда яна ўша Шерзод Ҳакимовнинг кучли зарбаси дарвоза тўсини билан “кўришиб”, майдонга қайтди. Бўлим якуни арафасида футболчиларимиз бир киши кам бўлиб қолишди. 44-дақиқада рақиб футболчисига нисбатан қўполлик ишлатди деб топган бош ҳакам марказий ҳимоячимиз Шукурали Пўлатовни иккинчи бор огоҳлантириб, майдондан четлатди.

  Иккинчи бўлимни бир киши кам бўлиб ўтказган вакилларимиз асосий эътиборни ҳимояга қаратишга мажбур бўлишди. Мезбонлар эса ҳужумкорликни сусайтиришмади. 68-дақиқага келиб ўнг қанотдан жарима майдончамизга узатилган тўпни Мўйдин Мамазулунов боши билан узоқ бурчакка аниқ йўналтирди -2:0.

  Олий лига, 26-тур. 

  “Нефтчи” – “Қизилқум”  2:0 (1:0).

  Фарғона. “Истиқлол” стадиони. 1213 томошабин.

  Ҳакамлар: Равшан Эрматов-9,0, Абдуҳамид Расулов-8,6, Жаҳонгир Саидов-8,6, Бахтиёр Юлчараев-8.

  Назоратчи: Рашид Айтеков.

  ЎзПФЛ вакили: В.Штерн.

  “Нефтчи”: 16. Абдумавлон Абдужалилов, 9. Шерзод Ҳакимов(70. Мансур Саидов, 80)., 10. Мўйдин Мамазулунов, 17. Музаффар Музаффаров, 20. Дилёрбек Эрматов (с), 23. Абдураҳмон Абдулҳаков (19. Жасур Ҳасанов, 78), 24. Абдужамол Исроилов (34. Иброҳим Раҳимов, 60), 44. Аброрбек Исмоилов, 94. Бобурбек Юлдашев, 95. Авазбек Улмасалиев.

  Захира: 1. Ўткир Юсупов, 3. Достон Турсунов, 4. Камронбей Кападзе, 15. Ҳусниддин Ғофуров.

  “Қизилқум”: 55. Эркин Жабборов, 3. Шукурали Пўлатов, 4. Эркин Бойдуллаев (с), 6. Нодирхон Камолов, 9. Отабек Зокиров (89. Отабек Исроилов, 68), 14. Файзулла Қамбаров, 17. Артур Геворкян, 18. Самандар Шодмонов (27. Илҳом Юнусов, 80), 20. Ғайрат Жумаев (8. Акмал Рустамов, 28), 23. Шерали Жўраев, 92. Акрамжон Баҳритдинов.

  Захира: 22. Артём Макосин, 2. Виктор Григорьев, 7. Беҳзод Мирзамуротов, 77. Бекзод Ғанижонов.

  Голлар: Мўйдин Мамазулумов (7, 68). 

  Амалга оширилмаган пенальти: Шерзод Ҳакимов (“Нефтчи”, 24)

  Огоҳлантиришлар: Шукурали Пўлатов (23), Эркин Жабборов (24), Самандар Шодмонов (28), Абдужамол Исроилов (43), Жасур Ҳасанов (87), Аброрбек Исмоилов (90+2).

   

  Четлатиш: Шукурали Пўлатов 42.