• КЛУБ
  • Раҳбарият
  • Клуб тарихи
  • Стадион
  • Хомийлар
  • Манзилимиз
• ЖАМОА
  • Мураббийлар
  • Асосий таркиб
  • Ёшлар
• ЯНГИЛИКЛАР
  • Клуб хабарлари
  • ЎзПФЛ ва ЎФФ
  • Жахон футболи
  • Интервьюлар
  • Матбуот биз ҳақимизда
  • Мухлислар клуби
• ТУРНИРЛАР
  • Олий лига
  • Ўзбекистон кубоги
  • Ёшлар лигаси
• ИНТЕРАКТИВ
  • Онлайн трансляция
• МЕДИА
  • Фотогалерея
  • Видеогалерея

Янгиликлар

• Олий лига: “Қизилқум” – “Машъал” 2:0

• 14.06.2017 21:00 | КЛУБ ЯНГИЛИКЛАРИ
• 

• Учрашувни ҳар иккала жамоа аъзолари эҳтиёткорлик билан бошлашди. “Машъал” футболчилари дастлабки 10 дақиқада икки бор дарвозамиз томон хавфли зарбалар йўллашга эришишди. Искандар Шойқуловнинг зарбаси ноаниқ чиққан бўлса, Шахзод Шаймановнинг кучли ва аниқ зарбасини Артём Макосин майдон ташқарисига чиқариб юборишга эришди.

  34-дақиқада Артур Геворкян ҳисобни очиши мумкин эди. Аммо ярим ҳимоячимизнинг жаримадан йўллаган зарбасини “Машъал” посбони Жавоҳир Илёсов қийинчилик билан қайтариб юборди. Орадан бироз ўтиб бу гал Илҳом Юнусовнинг ерлатиб яқин бурчакка йўналтирган зарбаси йўлига яна муборакликлар посбони ғов бўлди. 39-дақиқада шериклар Артур Геворкянни рақиб посбони билан бирга бир вазиятга чиқаришди. Аммо бу сафар ҳам Жавоҳир Илёсов чаққонроқ ҳаракат қилиб, футболчимизга ҳисобни очиш имконини бермади. Бўлимнинг сўнгги дақиқалари ўтиб бораётган бир пайтда ниҳоят вакилларимиз ҳисобни очишди. Отабек Зокиров ўткир бурчак остида турган бўлишига қарамай меҳмонлар дарвозасини аниқ нишонга олди- 1:0.

  Иккинчи бўлим дастлабки ҳужумларданоқ навоийлик футболчилар муваффақият қозонишди. Чап қанотдан Ғайрат Жумаев тўпни ҳаволатиб рақиб жарима майдончасига узатаётган бир пайтда тўп мубораклик ҳимоячининг қўлига тегди. Вазиятга яқин турган бош ҳакам Ҳасан Рўзиев майдон эгалари пеналти тепишлари лозимлигини кўрсатди. “Нуқта”га яқинлашган жамоамизнинг туркманистонлик легионери Артур Геворкян тўпни дарвозага аниқ йўллади. “Машъал” посбони футболчимиз зарбаси йўналишини аниқ топган бўлсада, уни қайтаришга ожизлик қилди – 2:0. 55-дақиқада “Машъал” футболчилари жарима зарбасидан кейин ҳисобни қисқартиришга яқин келишди. Аммо жамоамиз сардори Эркин Бойдуллаев дарвозага кириб бораётган тўпни майдон ташқарисига чиқариб юборишга улгурди...

  Шу тариқа футболчиларимиз мавсумдаги тўртинчи ғалабага эришишди. Эътиборли томони “Қизилқум” футболчилари сўнгги марта Олий лига баҳсларида Навоийда 2-турда (“Навбаҳор”-2:1) ғалаба қозонишган эди. Орадан уч ой вақт ўтиб, ниҳоят футболчиларимиз ўз майдонларида уч очкони қўлга киритишди. Футболчиларимиз навбатдаги турни 19 июнь куни Бекободда “Металлург” жамоасига қарши ўтказишади.

   

  Олий лига, 13-тур. 14.06.2017.

  “Қизилқум” – “Машъал” 2:0 (1:0)

  Навоий. “Ёшлар” спорт мажмуаси. 7618 томошабин.

  Ҳакамлар: Ҳасан Рўзиев-8,7, Олим Абдувасилов-8,6, Санжар Шоюсупов-8,6, Андрей Лупашко (барчаси Тошкентдан)- 8.

  Назоратчи: Сайфиддин Эрматов (Тошкент).

  ЎзПФЛ вакили: Алексей Фролов (Тошент).

  “Қизилқум”: 22. Артём Макосин, 3. Шукурали Пўлатов, 4. Эркин Бойдуллаев, 9. Отабек Зокиров (25. Азизбек Усмонов, 84), 14. Файзулла Қамбаров,17. Артур Геворкян, 18. Самандар Шодмонов (10. Воҳид Шодиев, 68), 19. Жасур Ҳасанов, 20. Ғайрат Жумаев (8. Акмал Рустамов, 81), 23. Шерали Жўраев, 27. Илҳом Юнусов.

  Захирадагилар: 16. Умид Хонимқулов,2. Виктор Григорьев, 15. Азамат Алланиязов, 32. Миржалол Қосимов.

  “Машъал”: 35. Жавоҳир Илёсов, 2. Искандар Шойқулов, 3. Сардор Раҳмонов, 6. Сардор Абдураимов, 8. Мирзакамол Камолов, 13. Шаҳзод Шаймонов, 19. Зоҳир Қўзибоев (16. Марадона Сафаров, 54), 44. Асилжон Бегимқулов, 55. Аваз Агалиев, 77. Абдуллоҳ Олимов (18. Аббос Шодмонов, 76), 90. Зафар Тўраев (10. Ҳумоюн Муртазоев, 46).

  Захирадагилар: 30. Ботир Носиров, 17. Владислав Павленко, 28. Аббос Амонов, 31. Игорь Тиманюк.

  Голлар: Отабек Зокиров (45+1), Артур Геворкян (50-пен).

  Огоҳлантириш: Э.Бойдуллаев (79), Ж.Ҳасанов (90+2), Ш.Жўраев (90+2) – С.Раҳмонов (40).

   

  Учрашувнинг энг яхши футболчиси: Ш.Пўлатов – Ж.Илёсов.