• КЛУБ
  • Раҳбарият
  • Клуб тарихи
  • Стадион
  • Хомийлар
  • Манзилимиз
• ЖАМОА
  • Мураббийлар
  • Асосий таркиб
  • Ёшлар
• ЯНГИЛИКЛАР
  • Клуб хабарлари
  • ЎзПФЛ ва ЎФФ
  • Жахон футболи
  • Интервьюлар
  • Матбуот биз ҳақимизда
  • Мухлислар клуби
• ТУРНИРЛАР
  • Олий лига
  • Ўзбекистон кубоги
  • Ёшлар лигаси
• ИНТЕРАКТИВ
  • Онлайн трансляция
• МЕДИА
  • Фотогалерея
  • Видеогалерея

Янгиликлар

• Олий лига: “Локомотив” – “Қизилқум” 2:0

• 13.05.2017 20:00 | КЛУБ ЯНГИЛИКЛАРИ
• 

• Айтиш жоизки, кучли ва донгдор рақибга қарши футболчиларимиз тенгма-тенг кураш олиб боришди. Биринчи бўлимда томонлар ҳар қанча ҳаракат қилишмасин ҳисоб очиш ҳеч бир жамоага насиб этмади. Шу ўринда дарвозабонимиз Артём Макосиннинг ҳаракатларини алоҳида таъкидлаб ўтиш жоиз. У илк бўлимда камида тўрт марта жамоамизни муқаррар голлардан сақлаб қолди.

  Иккинчи бўлим биринчисиданда шиддатли кечди.  56-дақиқада жамомизнинг навбатдаги ҳужумини бартараф этиш чоғида мезбонларнинг африкалик легионери Муҳаммад Коне ўз жарима майдончаси ичида тўпни қўли билан ўйнади. Натижада учрашув бош ҳаками, ФИФА рефереси Шерзод Қосимов “Локомотив” дарвозаси томон 11-метрлик жарима тўпи белгилади. Жамоамизнинг “штат”даги пеналтичиси Илҳом Юнусовнинг чап бурчакка йўллаган кучли зарбасини Игнатий Нестеров кутилмаган чаққонлик билан қайтариб қолишга муваффақ бўлди. Орадан ўн дақиқа ўтиб энди шундай вазият бизнинг дарвозамиз олдида содир бўлди. Ҳимоячиларимиз Марат Бикмаевга нисбатан қўполлик ишлатгач, дарвозамизга пеналти белгиланди. Жабрланувчининг ўзи томонидан йўлланган кучли ва аниқ зарба йўналишини Макосин топган бўлсада, тўпни қайтаришнинг уддасидан чиқа олмади -1:0. Бўлим ўрталарига келиб тошкентликлар иккинчи бор дарвозага тўп киритишди. Жалолиддин Машарипов индивидуал ҳаракатлари эвазига бир ҳимоячини ортда қолдирди ва тўпни дарвозанинг узоқ пастки бурчагига аниқ йўллади -2:0. Шундан кейин вакилларимизда ҳам гол киритиш учун бир имкониятлар бўлди.  Илҳом Юнусов ва Жасур Ҳасанов томонидан йўлланган кучли ва аниқ зарбалар йўлига Нестеров ғов бўлди. Шу тариқа учрашув майдон эгаларининг ғалабаси билан якун топди.

  Жамоамиз аъзолари Олий лигада навбатдаги тур учрашувини 18 май куни Навоийда Фарғонанинг “Нефтчи” жамоаси билан ўтказади.

   

  Олий лига, 10-тур. 13.05.2017.

  “Локомотив” – “Қизилқум” 2:0 (0:0).

  Тошкент. “Локомотив” стадиони.

  Ҳакамлар: Шерзод Қосимов-8,8, Темур Галеев-8,6, Акбар Пўлатов-8,6, Дмитрий Клепиков-8.

  Назоратчи: Шомил Жумаев.

  ЎзПФЛ вакили: Фарҳод Магометов.

  “Локомотив”: 1. Игнатий Нестеров, 5. Кахи Махарадзе, 10. Марат Бикмаев, 15. Сардор Мирзаев, 17. Салим Мустафоев (33. Олег Зотеев, 61), 18. Темур Кападзе (с) (29. Қувондиқ Рўзиев, 79), 20. Ислом Тўхтахўжаев, 28. Шуҳрат Муҳаммадиев, 42. Муҳаммад Коне, 77. Диёржон Туропов (22. Муродбек Бобожонов, 61), 99. Жалолиддин Машарипов.

  Захирадагилар: 12. Маъмур Икромов, 9. Икром Алибоев, 11. Садриддин Абдуллаев, 37. Шерзод Файзиев.

  “Қизилқум”: 22. Артём Макосин, 3. Шукурали Пўлатов, 4. Эркин Бойдуллаев, 10. Воҳид Шодиев (15. Азамат Алланиязов, 76), 14. Файзулла Қамбаров, 17. Артур Геворкян, 19. Жасур Ҳасанов, 20. Ғайрат Жумаев (8. Акмал Рустамов, 85), 23. Шерали Жўраев, 27. Илҳом Юнусов, 77. Бекзод Ғанижонов (9. Отабек Зокиров, 58).

  Захирадагилар: 16. Умиджон Хонимқулов, 7. Бехзод Мирзамуратов, 25. Азизбек Усмонов, 85. Андрей Деркач.

  Голлар: Марат Бикмаев (67-пен), Жалолиддин Машарипов (73).

  Огоҳлантириш: И. Тўхтахўжаев (20), К.Махарадзе (25), Д.Туропов (28), Т.Копадзе (56), Ж.Машарипов (73) – Э.Бойдуллаев (23), А.Геворкян (49).

  Амалга оширилмаган пеналти: И.Юнусов (56).

  Учрашувнинг энг яхши футболчиси: И.Нестеров – Ж.Ҳасанов.