• КЛУБ
  • Раҳбарият
  • Клуб тарихи
  • Стадион
  • Хомийлар
  • Манзилимиз
• ЖАМОА
  • Мураббийлар
  • Асосий таркиб
  • Ёшлар
• ЯНГИЛИКЛАР
  • Клуб хабарлари
  • ЎзПФЛ ва ЎФФ
  • Жахон футболи
  • Интервьюлар
  • Матбуот биз ҳақимизда
  • Мухлислар клуби
• ТУРНИРЛАР
  • Олий лига
  • Ўзбекистон кубоги
  • Ёшлар лигаси
• ИНТЕРАКТИВ
  • Онлайн трансляция
• МЕДИА
  • Фотогалерея
  • Видеогалерея

Янгиликлар

• Кечиктирилган учрашувда мағлубият

• 29.07.2016 08:36 | КЛУБ ЯНГИЛИКЛАРИ
• 

• Олий лига ўн учинчи турининг кечиктирилган баҳсида “Локомотив” — “Қизилқум” жамоалари ўзаро куч синашди. Мазкур ўйин давралар оралиғидаги танаффусдан сўнг бўлиб ўтгани учун ҳар икки жамоа ҳам ўз таркибига бир қатор янги ўйинчиларни қўшиб олишга муваффақ бўлди.

  Жумладан, Ҳамза Каримов, Эркин Бойдуллаев, Неманья Йованович, Воҳид Шодиев, Жасур Ҳасанов каби футболчилар “Қизилқум” либосида майдонга тушиш ҳуқуқини қўлга киритдилар. Аммо темирйўлчилар қарши баҳсда жароҳати туфайли Ҳамза Каримов, маълум сабабларга кўра, Жасур Ҳасановлар кончиларга ёрдам бера олмаслиги аввалдан маълум эди. Устига устак тажрибали ҳимоячи Алишер Юсуповнинг майдонга чиқа олмаслиги навоийликлар ҳимоя чизиғида муаммо келтириб чиқарди.

  Ўйин деярли тенг курашлар остида кечди. Аммо яратилган вазиятлардан унумли фойдаланишда тошкентликларга омад кулиб боқди. Ўйин дебютидаёқ ҳимоячи Георгий Квесеишвилининг қўпол хатоси ҳисобнинг очилишига сабабчи бўлди. 4-дақиқада Темурхўжа Абдухолиқов меҳмонлар дарвозасини ишғол этди.

  Қолган дақиқаларда навоийликлар ҳисобни тенглаштириш учун катта куч билан олдинга ташланган бўлса-да, мезбонлар ҳимоячилари бехато ҳаракат қилишди. Аксарият мухлислар ўйинда шу ҳисоб сақланиб қолишини тахмин қилишган бир паллада “Қизилқум” ҳимоячилари яна хатога йўл қўйди. Оддий вазиятда Георгий Квесеишвили тўпни рақибига олдириб қўйди. Комбинацияни муваффақиятли якунлаган Марат Бикмаев кончилар посбонини доғда қолдириб, жамоаси ғалабасини мустаҳкамлади — 2:0.

  ҲАКАМЛАР ҲУЖЖАТИДАН КЎЧИРМА:

  Олий лига

  13-турнинг кечиктирилган учрашуви.

  2016 йил 28 июль (пайшанба)

  «Локомотив» (Тошкент) – «Қизилқум» (Навоий) – 2:0. 

  ТТЙМИ стадиони. 935 томошабин.

  Ҳакамлар: И. Танташев – 8,0, Б. Қодиров — 8,0, А. Қўлдошев (барчаси — Бухоро) – 8,3, Р. Лутфулин (Тошкент) - 9

  Назоратчи: А. Попов (Тошкент).

  ЎзПФЛ вакили: А. Иноятов.

  «Локомотив»: 1. И. Нестеров, 5. К. Махарадзе, 8. С. Жепаров (29. Қ. Рўзиев, 85), 11. Т. Абдухолиқов, 13. Н. Яничич, 15. С. Мирзаев (10. М. Бикмаев, 69), 17. С. Мустафоев, 18. Т. Копадзе, 22. С. Шоахметов, 33. О. Зотеев, 71. А. Геворкян (37. Ш. Файзиев, 77).

   «Қизилқум»: 1. Э. Жабборов, 5. Г.Квесиешвили, 8. А. Рустамов, 10. Б. Ваҳобов (18. С. Шодмонов, 78), 14. Ф. Қамбаров, 17. О. Нарзуллаев (70. Н. Камолов, 63), 23. Ш. Жўраев (75. Ш. Жумабоев, 46), 27. И. Юнусов, 44. Э. Бойдуллаев, 84. Н. Йованович, 86. В. Шодиев.

  Голлар: Т. Абдухолиқов (4), М. Бикмаев (90).

  Огоҳлантиришлар: С. Шоахметов (72) – В. Шодиев (29), А. Рустамов (41), Ш. Жумабоев (68), Н. Йованович (73), Э. Бойдуллаев (90+3).

  Энг яхши ўйинчилар: К. Махарадзе – Б. Ваҳобов.

  Манба: fcqizilqum.uz