• КЛУБ
  • Раҳбарият
  • Клуб тарихи
  • Стадион
  • Хомийлар
  • Манзилимиз
• ЖАМОА
  • Мураббийлар
  • Асосий таркиб
  • Ёшлар
• ЯНГИЛИКЛАР
  • Клуб хабарлари
  • ЎзПФЛ ва ЎФФ
  • Жахон футболи
  • Интервьюлар
  • Матбуот биз ҳақимизда
  • Мухлислар клуби
• ТУРНИРЛАР
  • Олий лига
  • Ўзбекистон кубоги
  • Ёшлар лигаси
• ИНТЕРАКТИВ
  • Онлайн трансляция
• МЕДИА
  • Фотогалерея
  • Видеогалерея

Янгиликлар

• Яна омад юз ўгирди

• 26.09.2015 11:02 | КЛУБ ЯНГИЛИКЛАРИ
• 

• “Қизилқум” жамоасининг иккинчи давра сафар учрашувларида омади чопмаяпти. Мавсумнинг биринчи ярмида меҳмонда тўп суришига қарамай, Самарқанд, Бухоро ва муборак шаҳарларидан уйга очко билан қайтганди.

  Охирги турда ўз майдонида “Олмалиқ” устидан қозонилган ғалаба навоийликлар кайфиятини кўтариб юборди. Аксарият мухлислар бу гал “Қизилқум” жамоаси Қўқонда муваффақият қозонишига умид билан қараётган эди.

  Бироқ тенг курашлар остида кечган учрашувда кончилардан яна омад юз ўгирди. Ўйинни ҳар икки жамоа аъзолари ҳам бир мунча эҳтиёткорлик билан бошлашди. Учрашувнинг биринчи бўлимда голга тортадиган илк хавфли вазият ҳам навоийликлар томонидан содир этилди. 22-дақиқада бурчакдан ўйинга киритилган тўпни Наврўзбек Алимов боши билан дарвоза томон йўллади. Бу вазиятда дарвоза тўсини мезбонларни голдан қутқариб қолди.

  Орадан беш дақиқа ўтиб, бош ҳакам Шерзод Қосимов жарима майдончаси ичида ҳимоячи Акмал Рустамов мезбонлар вакили Нодир Қўзибоевга нисбатан ўйин қоидасини бузган деб топди ва 11 метрлик нуқтани кўрсатди. Ориф Мамажоновнинг берган зарбаси йўлига бу сафар “Қизилқум” посбони Эркин Жабборов кўндаланг бўлди ва ўз жамоасини голдан қутқариб қолди.

  Иккинчи бўлим шиддатли ва муросасиз кечди. Ҳар икки жамоа аъзоларида ҳам хавфли вазиятлар жуда кўп юзага келди. Бундан фақат бир бор мезбонлар унумли фойдаланишди. 55-дақиқада Нодир Қўзибоевнинг ҳаволатиб узатган тўпини Носирбек Отақўзиев меҳмонлар дарвозасига жойлаб ҳисобни очди. Ўйин охиригача шу ҳисоб сақланиб қолди — 1:0.

  ҲАКАМЛАР ҲУЖЖАТИДАН КЎЧИРМА:

  Олий лига

  23-тур, 25 сентябрь (жума)

  “Қўқон-1912” – “Қизилқум” — 1:0 (0:0)

  Қўқон шаҳри. 5511 томошабин.

  Ҳакамлар: Ш. Қосимов (Тошкент) — 8,5, А. Усмонов (Тошкент) — 8,5, А. Цапенко (Тошкент вил.) — 8,5, Б. Юльчараев (Гулистон) — 8.

  Назоратчи: И. Нехочин (Наманган).

  ЎзПФЛ вакили: В. Лёткин.

  Гол: Носир Отақўзиев 55.

  "Қўқон-1912": 16.Андрей Бакланов , 5.Жалил Кимсанов, 6.Баҳодир Акромов, 8. Нодир Қўзибоев,  9.Носир Отақўзиев, 10.Қувондиқ Рўзиев, 18.Сардор Эминов (, 15. Маъруф Зокиржонов, 90+2), 22. Ориф Мамажонов (28.  Алексей Николаев, 79), 24.Илья Ильин (88.Суҳроб Қобилов, 87), 29.Игорь Голбан, 49.Илҳом Комилов.

   “Қизилқум”:  1. Эркин Жаборров, 6. Фаррух Ҳайдаров, 8. Акмал Рустамов, 10. Баҳриддин Ваҳобов, 14. Файзилло Қамбаров, 20. Ғайрат Жумаев, 21. Миржалол Қурбонов (95. Достон Абдураҳмонов, 61), 23. Шерали Жўраев, 30. Сарваржон Холматов, 44. НаврўзбекАлимов (26. Алишер Холиқов, 82), 92. Азизбек Усмонов.

  Огоҳлантиришлар: О. Мамажонов (28), И. Голбан (38) – Ғ. Жумаев (15).

  Амалга оширилмаган пенальти: Ориф Мамажонов  (27).

   

  Манба: www.fcqizilqum.uz